أحمد السعدني عن زوجته السابقة:"ماتت في لحظه كانت بتكلمني قبلها بساعة"

أحمد السعدني عن زوجته السابقة:"ماتت في لحظه كانت بتكلمني قبلها بساعة"

ندم الفنان أحمد السعدني بعد وفاة زوجته
ندم الفنان أحمد السعدني بعد وفاة زوجته

12 آب / أغسطس 2019

بمشاعر مليئة بالحزن والندم نعى الفنان أحمد السعدني طلقيته أمل سليمان التي توفيت بشكل مفاجئ، وتحدث عن حبه لها منذُ عام 2003 حتى انفصالهما.

وقال السعدني أنه كان يخطط للعودة إليها وحيث لم يفقد الاتصال معها وكتب الفنان قائلاً: "عمري في حياتي ما اتكلمت عن حياتي الشخصيه لكن حسيت اني لازم اعمل كده دلوقتي
فذكر إن الذكري تنفع (المؤمنين) أو الكافرين أو المستهبلين او تنفع اي حد ححس اني عملت حاجه".

وأضاف السعدني "ححاول مطولش يوم ٩/٩/٢٠٠٣ حب من اول نظره في الشارع ما بين معهد السينما حيث كانت تدرس و معهد فنون مسرحيه حيث كنت الهو و ادرس برضه ميضرش كنت راكب عربيه و كانت ماشيه علي رجلها كنت حخبطها لكن حصل خير لا محصلش قوي خبطتتي هي في قلبي حب تقطيع شرايين سنه خطوبه سنه كتب كتاب شهر جواز خلفه اول ولد هنا بدأت المشكله اللي بكتب الكلام ده عشانها أنا زي كتير للاسف شباب anti تحمل مسؤولية بص لنسب الطلاق و انت تفهم انا بيجيلي ارتيكريه لما احس اني مسئول و هي برضه حبيبتي زي بنات كتير بتقول طلقني اكتر مبتنطق اسمي كانت النتيجه في اول سنه بس حوالي ٤ طلاق شفهي كل الشيوخ ساعتها قالولنا ده لعب عيال الطلاق ليه شروط زي الجواز تمام اسكت بقي لا تعالي يا عم طبق الشروط ادي اول طلقه"

استطرد أحمد السعدني قائلاً " ماتت في لحظه كانت بتكلمني قبلها بساعه و مكنتش عيانه كان عندها ضغط زي اغلب الشعب المصري الحمد لله ماتت و مشيت و قررت تسبني للابد كنت فاكرها حتستناني و متاكد من ده مستحيل تحب حد غيري مجاش في بالي انها ممكن تموت دلوقتي صغيره و اكتر واحده في حياتي شفتها بتحب الحياه و عندها طاقة ايجابيه ، وماتت و سابتلي الولدين و الندم"

وتابع السعدني "بحبك يا امل حياتي اللي اتهد و بوعدك المرادي حشيل المسئوليه للاسف اتعلمت الدرس بس بعد ما اتحرمت من حنيتك و حضنك و ولادك كمان اتحرموا من احن ام ربنا يقدرني و اربيهم احسن ما كنتي عايزه بحبك و مش بطلب منك غير انك تسامحيني".

وقال السعدني: "انا متاكد انك في الجنه رحتي للي خلقك يوم عرفه و اميره و ست البنات و الستات و نضيفه و كريمه و صنتي ولادي و بيتي".