كلمات مهرجان "ضحية مخدرات" مكتوب كامل

كلمات مهرجان "ضحية مخدرات" مكتوب كامل

كلمات مهرجان ضحية مخدرات
كلمات مهرجان ضحية مخدرات

31 آب / أغسطس 2019

حقق فيديو مهرجان "ضحية مخدرات"، آلاف المشاهدات على موقع اليوتيوب منذُ طرح الأغنية في 2019، ونقدم لكم هنا كلمات المهرجان كامل مكتوب.



كلمات مهرجان "ضحية مخدرات" كامل مكتوب/ كلمات أغنية ضحية مخدرات كاملة:



عايشين في دنيا مفترية..وبشر ديابة
ظلم وجرح وقاسيه..دنيتنا غابة

بنت جميلة الفقر ماسكها ..وليها أم عجوزة تدعيلها
تخرج من بيتها جامعة وشغل ..وبعد الشغل جري ع بيتها


كانت نور عينين والدتها..بالاحترام جوه حتتها
بس الدنيا دي بهدلتها ..بس الدنيا دي بهدلتها


تدخل بيتها تعبانة..استرها يارب ويانا
وتروح تبوس ايدين امها ..والام تدعي للغلبانة


وشغلها كان بهد الحيل.. رجوع متأخر نص الليل
مش ملحقا يعيني ترتاح..داقت المرّ شافت الويل


خلصت شغل يوم متأخر..ثبتها واحد عقلو مخدر
فضلت تقول يا ناس الحقوني ..والشارع فاضي الكل اتبخر


من المخدر كان عميان ..والبنت تصرخ كمان وكمان
قطع هدومها وجسمها ..والبنت تضرب فيه بجنان


طلع مطوتو غزها وضربها .. روح بتطلع وياريتو سبها
لا ده كمل ظلمو عليها ..بقت جثة برضو اغتصبها


خلص ومش من سكات ..مفيش احساس وقلبو مات
المسكينة ماتت موتين ..كانت ضحيه مخدرات


امها لما عرفت الخبر ..طبت مكانها زي الحجر
ياريت يا ناس نرجع نفوق..لحسن ابليس ف عقولنا انتشر


البشر يابا ماتت ضميرها ..يارب ابعت خلق غيرها
واسترها يارب على الولايا ..اللي فقر كان مصيرها
                اللي فقر كان مصيرها



يعد مهرجان "ضحية مخدرات"
من كلمات :محمد الشاعر
ومزيكا:سليم تيتو
وغناء عمر المشاكس و أبو الشوق